Eusko Jaurlaritzako Segurtasun Sailak jakinarazi duenez, suhiltzaileek eta Ertzaintzak pertsona baten gorpua aurkitu dute gaur Donostian. 11:10 inguruan herritar batek jakinarazi die pertsona bat itsasora erori dela, Urumea ibaiaren itsasadarrera.
Suhiltzaileak, anbulantzia bat eta Ertzaintza joan dira Kursaaleko zubiaren ondora, baina itsasoko giro makurrak eta eguraldi txarrak lana zaildu dute. Donostian alerta laranja ezarri du Aemet Espainiako meteorologia zerbitzuak gaurko, olatuengatik.
