Hiru pertsona atxilotu ditu Ertzaintzak gaur eguerdian Lezon (Gipuzkoa), droga trafikoaren aurka egindako operazio batean. Ertzaintzak ohar batean zabaldu duenez, atxilotuetako bat ihes egiten saiatzen ari zela, polizia ibilgailu bat jo du autoarekin. Erasoa saihesteko helburuz, ertzainek tiro egin dutela azaldu dute. Ez da inor zauritu. Hala ere, jakinarazi dutenez, operazioa zabalik dago oraindik, eta ez dute baztertzen atxiloketa gehiago egitea.
Hiru lagun atxilotu dituzte Lezon, drogaren aurkako operazio batean
Ertzainek tiro egin duten arren, zauriturik ez dagoela jakinarazi du Eusko Jaurlaritzako Segurtasun Sailak. Operazioa irekita dago oraindik, eta ez dute baztertu jende gehiago atxilotzea.
