Hitz zentroa aurkeztu dute, «hizkuntza teknologien ikerketan sakontzeko»

DONOSTIA. Hitz Hizkuntza Teknologiako Euskal Zentroa aurkeztu zuten atzo, Donostian. «Hizkuntza teknologien ikerketan sakontzeko» xedez eratu dute gunea. EHUko Ixa taldeak eta Aholab laborategiak osatzen dute zentroa, eta Euskal Herria «Europako hizkuntza teknologia eta adimen artifizialaren gune» bilakatzea du helburu, Eneko Agirre zentroko zuzendariak azaldu zuenez.