Garabide Elkarteak Hedabideak. Euskararen berreskuratzea III lana aurkeztu du gaur, Andoaingo Martin Ugalde Kultur Parkean (Gipuzkoa), 12:00etan. Hizkuntzen berreskuratzean komunikabideek izan dezaketen eragina eta garrantzia aztertu du lanak. BERRIA.INFOk zuzenean eman du ekitaldia.
Lana aurkezteaz gain, elkartearen izaera eta bere egitasmoaren nondik norakoak azaldu dituzte. Horrekin batera, film dokumental bat eman dute.
Elkartearen hirugarren lana da, euskararen esperientziaren ikerketa eta sintesia egiteko egitasmoaren barruan. Aurreko lanak Euskararen Berreskuratzea. Hizkuntzak biziberritzeko gako batzuk eta Hizkuntzen estandarizazioa. Euskararen berreskuratzea II izan dira.
Garabide Elkartea euskalgintzaren eta hizkuntza gutxituak dituzten munduko beste komunitateen arteko zubi lana egiteko sortutako elkartea da.
