Hondarribiko Udalak ontzat jo du Alarde fundazioak proposatutako solas eremua

HONDARRIBIA. Gipuzkoako Foru Aldundiak martxan zuen elkarrizketa prozesu bat alardean emakumeek parte hartzeak piztutako gatazkari buruz, eta Alarde fundazioak —desfile baztertzailearen antolatzaileak— beste espazio bat proposatu zuen otsailean; bada, Hondarribiko alkate Txomin Sagarzazuk (EAJ) proposamen hori ontzat jo du orain: «Ezinbestekoa da herritarrek hitz egitea». Jaizkibel konpainia mistoak esana du diputazioak abian duen prozesuari eutsi nahi diola.