Emazte bat hil zen atzo, Bidarrain (Lapurdi), mendian dozenaka metrotik behera erorita. Mehatzeko lepoan, Itsusiko Harrien inguruan, zenbait sorosle eta mendiko mediku bat helikopteroz eraman behar izan zituzten, hilda zegoela egiaztatzeko.
Biktimak 80 urte zituen, eta Baionako elkarte batek antolatutako mendi ibilaldi batean parte hartzen ari zen, beste zenbait kiderekin. Erretretatuen taldea 09:00etan abiatu zen mendian gora, eta itzulerako bidean zen ezbeharra gertatu zelarik.
Ikerketa abiatu dute erorikoaren nondik norakoak argitzeko.
