Igandean Baionako Udalak jarriko duen eskultura kentzeko eskatu du Covitek

BAIONA. Baionako Udalak Koldobika Jauregi eskultorearen lan bat inauguratuko du igandean. Lanak lotura dauka ETAren armagabetzearekin eta konponbide prozesuarekin oro har. ETAren indarkeriaren biktima batzuk biltzen dituen Covite elkarteak, baina, Espainiako Gobernuari eskatu dio «bere aparatu diplomatikoa» martxan jartzeko Frantziako agintariek eskultura hori ken dezaten.