Igor Lopez de Munain zendu da gaur, Eusko Legebiltzarrean EH Bilduren legebiltzarkide izandakoa. Koalizio abertzaleak jakinarazi du haren heriotza, Twitterren, arratsean. «Militante fina eta zorrotza, ez ditugu elkarrekin pasatutako une ederrak ahaztuko», idatziz txioan.
Igor Lopez de Munain legebiltzarkide ohiak, lagunak, utzi gaitu, guztioi bizitza lezio handia eman ostean.
— EH Bildu Legebiltzarra (@ehbildu_legebil) July 19, 2022
Militante fina eta zorrotza, ez ditugu elkarrekin pasatako une ederrak ahaztuko.
ðŸÂÂÂŒ¹âÂÂœŠ Beti gogoan. Doluminak senide eta gertukoei. pic.twitter.com/3BRDIAlKbw
Lopez de Munain 2012tik 2016ra arteko legealdian izan zen EH Bilduren legebiltzarkide parlamentuan. Lehendik, Aralarren arduraduna izan zen Araban, bai eta alderdiaren aholkulari ere, parlamentuan.
Notizia zabaldu ahala, gero eta gehiago dira Lopez de Munainen inguruko dolumin mezuak Interneten. Besteak beste, koalizio abertzaleko koordinatzaile nagusiak hitz batzuk eskaini dizkio.
Igor Lopez de Munainek utzi gaitu gaur. Oso gazte joan zaigu. Besarkada handi bat bere senideei eta lagunei.
— Arnaldo Otegi 🔻 (@ArnaldoOtegi) July 19, 2022
Ohore bat izan da zurekin bidearen zati bat egitea. Agur eta ohore! pic.twitter.com/rQ4Xsvw3Fy
