Iñaki Bilbao presoa gose greban dela jakinarazi dute

BILBO. Haren gertukoek jakinarazi dutenez, Iñaki Bilbao Txikito euskal presoa gose greban dago joan den abuztuaren 6tik. Kanpoko komunikazioak ere eten ditu, eta Topas (Espainia) espetxeko eritegira eraman dute. Presoak gertukoei adierazi dienez, gose greba iaz egindakoaren segidatzat jotzen du, eta xede berak ditu: «Independentzia eta sozialismoa» aldarrikatzea, alegia.