Iñaki Bilbaoren aldeko manifestazio batera deitu du AEMk larunbaterako

DONOSTIA. AEM Amnistiaren Aldeko eta Errepresioaren Aurkako Mugimenduak Iñaki Bilbao Goikoetxea euskal presoaren aldeko manifestazioa egingo du larunbatean, Donostian. Protesta 19:00etan irtengo da Bulebarretik. Gose greba mugagabean dago presoa irailaren 9tik. Baraualdiaren helburua zera da, «Euskal Herria independente, sozialista, batua eta euskalduna» lortzea, AEMren arabera. Gose grebaz gain, Bilbaok bestelako protestak ere abiatu ditu: ez da bere ziegatik ateratzen, ez du patioko ordurik, eta komunikaziorik ere ez.