Otsailean mendira joan ohi ziren Malerrekako gazteak, lanera. Horregatik, gazteak herrian zirela ospatu izan dituzte inauteriak beti. Lehen, bilera egiten zuten urtero, eguna zehazteko. Orain, jakina da noiz hartzen duten bidea joaldunek: urtarrilaren azken asteburuan. Ostegunetik ari dira festan, baina gaur eta bihar joko du goia jaiak.
Zubietarren eta aurtiztarren ttuntturroak Iturenerako bidean dira gaur. Bihar, bisita itzuliko diete.
Iturenen hasi dira joareak jotzen. Zubietarren eta aurtiztarren zain #inauteriak@berriapic.twitter.com/MAs0piONAV
— Iker Tubia (@ikertb) 2017(e)ko urtarrilak 30
Bidea egin dute eta Iturenen elkartu dira guztiak. 14:30ak aldean.
Elkartu dira denak. "Ez dakizue zer den momentu hau, barneko elkartasuna", dio joaldun batek@berria#inauteriakpic.twitter.com/TS9C0pxrwS
— Iker Tubia (@ikertb) 2017(e)ko urtarrilak 30
Haien atzetik, Euskal Herri osora zabalduz joango dira inauterietako ospakizunak, eta toki gehienetan Tolosakoekin batera ospatuko dituzte, otsailaren 23tik aurrera. Uitzikoak izan ziren jaiak ospatzen aurrenak, urtarrilaren 14an eta 15ean.
