Iruñeko Udaltzaingoak ezagutarazi duenez, gaur arratsaldean gizonezko bat atxilotu du, joan den igandean Arrosadia auzoko taberna batean lagun bati aurpegia botil batez mozteaz akusatuta.
Bi ezagunak eta erasotzailearen arreba Arrosadiako Queiles Ibaia karrikako ostatu batean zeuden igandean, Eurokoparen finala ikusten. Udaltzaingoaren esanetan, 22:00ak aldera biktimak garagardo baterako gonbitea egin zion erasotzailea izango zenari, eta hau "urduri" jarri eta liskarrean hasi zen. "Heriotza mehatxuak egin zizkion, eta kristalezko botil bat hautsi ondoren, aurpegia moztu zion".
Zauritua erietxera eraman zuten gero. Atzo erasotzailearen kontrako salaketa jarri zuen, eta gaur ilunabarreko 21:00etan udaltzainek erasotzailea atxilotu dute.
Gizartea
Iruñean gizon bat atxilotu dute beste bati aurpegian zauriak egiteagatik
Igandean Eurokoparen finala taberna batean ikusten ari zirela, liskarra piztu eta jarraian botil batez bere ezagun bati aurpegia moztu zion gizonezko batek. Gaur hura atxilotu du Iruñeko Udaltzaingoak.
Iruzkinak
Ez dago iruzkinik
Ordenatu
