Gaur goizaldean 37 urteko emakume bat hil da Iruñeko Sanduzelai auzoan, etxe bateko hirugarren solairutik erorita. Ezbeharra 04:30 aldera gertatu da, eta bizilagun batek eman die abisua larrialdi zerbitzuei. Iruñeko Udaltzaingoak jakinarazi duenez, gizonezko bat atxilotu dute, indarkeria matxista dela-eta ezarritako urruntze agindua urratzeagatik.
Ikertzen ari dira emakumearen heriotzak eta gizonezkoaren zigor hausteak zerikusirik ba ote duten. Gorpua Nafarroako Auzitegi Medikuntzako Institutura eraman dute.
