Izaskun Lesaka euskal presoa aske geratu da, hamar urteko zigorra bukatuta

BURLATA. Izaskun Lesaka euskal presoa aske geratu dela jakinarazi du Etxerat elkarteak. Izatez, preso burlatarra (Nafarroa) iazko ekainean atera zen Reauko kartzelatik (890 kilometrora). Frantzian bizitzeko debekua ezarri zioten, eta jarraian Espainiaratu zuten. Ordutik, baldintzapean egon da aske, hamar urteko zigorra amaitu arte.