Hildakoak eta positiboak pilatuz doaz, baina aurreko egunetan baino neurri txikiagoan. Gaur beste 42 pertsona hil direla jakinarazi dute, guztira 597 hildako. Positiboei dagkionez, beste 664 gehiago zenbatu dira. Halaber, ospitaleratuen kopurua pixka bat jaitsi da (54 lagun gutxiago), baina oraindik kopuru handia da (2.552).
Datuen jarraipena egin bitartean, interesgarria izan daiteke Adolfo Garcia-Sastre birologoak BERRIAn esandakoa: "Bagenekien SARSaren antzeko zerbait gerta zitekeela, birus horiek gizakietara pasa zitezkeela. Eta gertatu da. Ez da ezer egin eragozteko".
Egunez egun, krisi honek erangindako ondorio sozial eta ekonmikoak pilatuz doaz. Gaur jakinarazi dute udaberrian egitekoak ziren ikastolen aldeko jaiak bertan behera gelditu direla eta beste garai batean egitea aztertzen ari direla. Hezkuntza munduko beste bi erabaki iritsi dira. Batetik, Baxoa kontrol jarraikiaren bidez egingo da. Bestetik, NUPek ez du eskola presentzialik egingo ikasturte honetan. Gipuzkoa eta Bizkaiko merkataritza ganberen arabera, hiru langiletik batek gaixo agiria jaso du koronabirusak kutsatzeagatik edo inguruko bat gaixotu delako eta hark berrogeialdia egin behar izan duelako. Ildo beretik, Eusko Jaurlaritzak segurtasun neurriak zorrozteko deia egin die jarduera mantentzen duten enpresei.
DATUAK: Koronabirusaren azken datuak
MAPA: Koronabirusaren zabalpena herriz herri
ZUZENEKOA: Azken orduko albisteen kontakizuna
Agian honek ere merezi du
Porrotxen konfinamendua. 'Etxeko leihotik' saioaren atal berrian, Joxe Mari Agirretxe eta Porrotx konfinamenduan nola ari diren moldatzen kontatu digu Maider Galardi kazetariak, gertuko bideo dei baten bidez. Joxe Mari eta Porrotx, biak ikusteko aukera ezin hobea.
Googleren begia. Jakina da Googlek erabiltzaileen datu pila bat jasotzen duela. Horren adibide, gaur argitaratu duen azterketa. Sakelako telefonoen kokapena aztertuta, larrialdi egoerak nola eragin duen herritarren bizimoduan erakutsi du. Bertan Euskal Herriko datuak ere eskaini ditu. Esate baterako, 'Dendak eta aisaldia' kategoriarekin lotutako mugimenduak %98 jaitsi dira EAEn, %93 Nafarroan eta %86 Akitania Berrian.
