Gaur goizean Gerra inperialistaren erantzuleak dioten pintaketak agertu dira ECIAren Markina-Xemeingo lantegian (Bizkaia) eta SAPAren Andoaingoan (Gipuzkoa). Jarki antolakundeak bere gain hartu du ekintza, eta salatu du bi enpresa horiek «inperialismoa armaz hornitzearen eta hura elikatzen duen gerraren negozioaren kontura» bizi direla.
JARKI antolakunde iraultzaileak ECIA eta Sapa enpresa armamentistikoak inperialismoa armez hornitzearen eta hau elikatzen duen gerraren negozioaren kontura bizi direla salatu du.
— JARDUN koordinadora (@JardunK) April 28, 2026
GERRA INPERIALISTAREN ETA MISERIAREN ERANTZULEAK!
Maiatzak 1 ✊ pic.twitter.com/IsIEir8okj
Jarkik gogorarazi du ECIAk morteroak egiten dituela, eta SAPAk ere ekoizpen militarrean diharduela. Ohar batean eman ditu azalpenak antolakundeak: «Armen indarrez eraikitako ordena eta haien bitartez inposatutako bakea da kapitalarena, bortizkeria baitu oinarri burgesiaren botereak, eta horren adibide dira seinalatutako bi arma enpresak».
«Euskal Herriak pairatzen duen militarizazioa» ere salatu dute, «kaleak armaz hartuta daudelako» eta hainbat arma enpresak euren egoitza Euskal Herrian dutelako: «Hori guztia ikusirik, ezin gara isilik geratu, ezin dugu beste aldera begiratu, eta salatu egin behar dugu».
Jarkik Maiatzaren Lehenaren testuinguruan egin du ekintza; Gerra inperialistaren eta miseriaren aurrean antolatu da antolakundeak aurten hautatutako leloa.
