Jean Fagoaga euskaltzalea (Sara, Lapurdi, 1928) gaur hil da, Donibane Lohizunen. Medikua zen ogibidez, baina politikan egindako ibilbideagatik eta euskal kulturaren alde egindako lanagatik nabarmendu zen. Sarako auzapeza izan zen 1971tik 1977ra, Anai Artea euskal iheslarien aldeko elkarteko lehendakari ere izan zen, eta, 1995etik aurrera, Eusko Ikaskuntzako buru izan zen Ipar Euskal Herrian. Abertzaleen Batasuna koalizioko hautagai izan zen 1988ko eta 1994ko hauteskundeetan, Ezpeletako kantonamenduan, eta gaztetan pilotari gisa ere nabarmendu zen: bost aldiz izan zen Frantziako txapeldun errebotean. Larunbatean egingo dituzte haren aldeko hiletak.
Jean Fagoaga zendu da, Sarako auzapez izandakoa
Pilotari izana, politikan egindako ibilbideagatik eta euskal kulturaren aldeko lanagatik nabarmendu zen.
Iruzkinak
Ez dago iruzkinik
Ordenatu
