Jesus Txibite Lauroba, Maria Txibite Nafarroako presidentearen aita, asteazkenean hil zen Cintruenigo herrian (Nafarroa), 66 urte zituela. Bihotzekoak eman zion, etxeko baratzean lanean ari zela.
Jesus Txibite PSN alderdiko kide historikoa zen, baina ez zen politikari profesionala: soldatzaile zen lanbidez, eta metalgintza sektoreko lantegi batean egin zuen lan, iaz erretiroa hartu zuen arte.
1979. urtean, hauteskundeetara aurkeztu zen Cintruenigoko Laborari eta Langileen Elkargoaren zerrendetan. Gerora, PSNko zinegotzi izan zen Cintruenigoko Udalean, 1987tik 1995era. Haren lehengusua, Carlos Txibite, PSNko idazkari nagusia izan zen, 2008an hil zen arte.
Nafarroako Gobernuak jakinarazi duenez, Maria Txibite lehendakariak bertan behera utzi ditu gaur eta biharko hitzartuak zituen betebehar eta agerraldi ofizial guztiak.
