Jesus Zaballos Lasarte-Oriako (Gipuzkoa) alkateak dimisioa eman du, arrazoi pertsonalak argudiatuta. «Behar adina hausnartu ondoren, alkate kargua eta bizitza publikoa uzteko erabakia hartu dut. Bizitzaren etapa berri bati hasiera emateko ordua iritsi da», adierazi du Zaballosek, udaletxean erdara hutsean egindako agerraldian. Jakinarazi du PSE-EEko bere alderdikide batek, Agustin Valdiviak, ordezkatuko duela karguan. Abenduaren 20an izango da kargu hartzea.
Zaballos 2010ean iritsi zen alkatetzera, Ane Urtxuegiak, (PSE-EE) irregulartasunen susmopean karguari uko egin eta gero. Halere, hura ez zen izan kargua uzteko plazaratutako arrazoia. Zaballos alkate izan zen 2011ko hauteskundeak arte. Pablo Barriok (EH Bildu) hartu zuen haren lekukoa boz haien ondoren, baina 2015az geroztik izan da, berriro, Lasarte-Oriako alkatea.
