Jose Luis Lopez de Lacalle gogoratu dute Andoainen

ANDOAIN. Jose Luis Lopez de Lacalle gogoan izan zuten atzo Andoainen (Gipuzkoa), ETAk hura hil eta hamasei urtera. Besteak beste, Ermuko Foroko kidea eta zutabegilea zen. Senideekin batera, PSE-EEko eta EAJko kideak eta Jaurlaritzako Biktimen Arretarako zuzendari ohi Maixabel Lasa izan ziren ekitaldian. Mari Paz Artolazabal alargunak «barkamena eskatzeko» galdegin zion ETAri.