Frantziako Gobernuak Euskal Herrira gerturatu duen hamaikagarren presoa da Joseba Fernandez iruindarra. Otsailaren amaieran hurbildu zituen Frantziak lehen euskal presoak: Zigor Garro eta Julen Mendizabal, Mont-de-Marsanera.
Martxo hasieran, beste hiru eraman zituzten espetxe berera: Josu Urbieta, Raul Aduna eta Jon Salaberri. Eta, hil berean, Jon Gurutze Maiza eta Alberto Ilundain, Lannemezango espetxera. Apirilean, Arkaitz Agirregabiria eta Iurgi Garitagoitia, Lannemezanera; Ekaitz Sirvent, Mont-de-Marsanera; eta Fernandez, Muretera. Altsasutik —Etxerat-ek erreferentzia hori hartzen du—, 430 kilometrora dago Muret. Orain arte, Osnyn zuten preso Fernandez, 970 kilometrora.
Frantziako Justizia Ministerioak iazko abenduan iragarri zuen euskal presoak Euskal Herritik gertuen dauden bi espetxeetara —Mont-de-Marsanera eta Lannemezanera— hurbiltzen hasiko zela.
