Joseba Fernandez presoa aske geratu da, Frantzian kartzelan 11 urte egin eta gero

IRUÑEA. Joseba Fernandez Aspurz euskal presoa aske geratu zen atzo Madrilgo aireportuan, Frantzian espetxealdia bete eta handik Espainiaratu eta gero. Fernandez Iruñeko Txantrea auzokoa da. 11 urte egin ditu kartzelan, eta Mureten zegoen preso, Euskal Herritik 425 kilometrora. 2010eko martxoan atxilotu zuten, Jean-Serge Nerin jendarmearen hilketaren harira. Nerin izan zen ETAk eragindako azken biktima.