Josune Zabala izango da Hizkuntza Ikerketako zuzendaria, Jaurlaritzan

GASTEIZ. Eusko Jaurlaritzako Kultura eta Hizkuntza Politika Sailak Josune Zabala Alberdi izendatu zuen atzo Hizkuntza Ikerketa eta Koordinaziorako zuzendari, Jorge Gimenezen ordez. Euskal Filologian lizentziaduna da Zabala, eta, besteak beste, Mondragon Unibertsitatean, Mintzola fundazioan eta Soziolinguistika Klusterrean aritua da.