Kale gorrian bizi zen pertsona bat hil zen atzo Donostian. Donostiako Udalak jakinarazi duenez, astearte gauean aurkitu zuten gorpua, 04:00etan, Bergara kaleko 18. zenbakian. Hildakoak 23 urte zituen; Ertzaintza kasua ikertzen ari da.
Iazko azarotik hona, Donostian kale gorrian bizi ziren lau pertsona hil dira, eta, azken zenbaketen arabera, bostehun lagun inguru bizi dira hala hirian.
