KUTXAREN AURREAN, PROTESTA

Gipuzkoako Kutxako batzarraren aurrean bildu zen atzo STOP Desahucios elkartea, erakundearen kudeaketaren aurka protestatzeko. Elkarteak jakinarazi duenez, idatzi bat igorri diete batzarrean ordezkaritza duten kideei. Orain arte erakunde horrek egindako ibilbidea jasotzen zen idatzian, baita zenbait eskakizun ere: kaltetuek zorra kitatzeko etxea ordainetan emateko eskubidea edukitzea eta euren etxeetan alokairuan bizitzen jarraitzeko eskubidea izatea.