LAB eta UGT garaile izan dira NUPeko bozetan

IRUÑEA. NUP Nafarroako Unibertsitate Publikoan atzo egin zituzten hauteskunde sindikalak. Irakasle eta ikertzaileen artean, garaile, UGT izan da; zazpi ordezkari lortu ditu. CCOOk lau lortu ditu, eta ELAk eta LABek bana. Administrazio eta zerbitzuetako langileen artean LAB atera da garaile, lau ordezkarirekin. Atzetik, UGTk hiru lortu ditu, eta CCOOk, CGTk eta ELAk bina.