Langraizko espetxeko preso bat urkatuta azaldu da

Langraizko (Araba) espetxean zigorra betetzen ari zen R.J.M. 33 urteko presoa urkatuta azaldu zen pasa den larunbatean bere ziegan, itxuraz, bere buruaz beste eginda. Kartzela horretako zuzendariak jakinarazi duenez, bere ziegakideak aurkitu zuen. Ziegako argia piztuta zegoela eta bere R.J.M. ohean ez zegoela konturatu zenean, komuneko zisternan aurkitu zuen, urkatuta. Suspertzeko ariketak egin zizkioten, baina alferrik izan zen. Kartzela horretan bi hilabetean bere buruaz beste egiten duen hirugarren presoa da.