Lau gunetan banatuko da Donostiako amaiera festa, igandean

Hiru egun baino ez dira falta 17. Korrika amaitzeko, etaiganderako dena prest dago Donostian. 12:15 inguruan iritsiko da Korrika Bulebarrera, eta ondoren mezua irakurriko dute. Lau gunetan banatu dute igandeko festa. Kaian elkarte gastronomikoek prestatutako bazkaria izango da; eta, arratsaldean, musika emanaldiak. Erromeri batekin hasiko da jaia Konstituzio plazan, eta gero sagardo dastatzea eta herri kirolak izango dira. Haurrentzako puzgarriek,tailerrek, Mendiko altxorra antzezlanak eta abar osatuko dute Alderdi Ederreko egitaraua. Trinitate plazan, berriz, musika izango da nagusi. Gose, Izate, Esne Beltza eta Ze Esatek! taldeek joko dute, besteak beste.