Akitania Berriko eskualdeko kontseiluak «hilekoen prekaritateari» aitzin egiteko egitasmo bat plantan ezarri du: 190.000 euroko diru laguntza bat prestatu du eskualdeko lizeo publikoetan tanpoi eta zapi higieniko banatzaileak ezartzeko. Lizeo bakoitzak banatzailea ezartzeko galdea egin beharko dio eskualdeari, iraileko sartzetik aitzina.
Zehaztu dute ikastetxe bakoitzari dagokiola banatzailea non jarri erabakitzea. Gainera, ikastetxeetako erizainekin partaidetzan eraman nahi dute proiektua, hilekoaren eta, oro har, sexualitatearen gaia ikasleekin lantzeko. Helburutzat jarri dute kolegioetara ere hedatzea proiektua datozen urteetan.
