Lopez Uralde Elkarrekin Podemosekin aurkeztuko da, Equo hala ez joanda ere

GASTEIZ. Juantxo Lopez Uralde Elkarrekin Podemos koalizioarekin aurkeztuko da berriro Espainiako Gorteetarako azaroaren 10eko hauteskundeetan, baita haren alderdi Equok Iñigo Errejonen hautagaitzarekin batera joatea erabakitzen badu ere. Equon egiten ari diren kontsulta kritikatu du, «taktizismo hutsa» delakoan. Joan den apirileko Kongresurako hauteskundeetan Arabatik aulkia lortu zuen Lopez Uraldek. Equo 2014tik ari da Podemosekin lankidetzan.