Marisa de Simonek hautagaitza aurkeztu du NEBko koordinatzaile nagusirako

IRUÑEA. Marisa de Simonek bere hautagaitza aurkeztu du Nafarroako Ezker Batuko (NEB) koordinatzaile nagusirako. Alderdiak hilaren 25ean egingo duen batzar nagusian aukeratuko dute Jose Miguel Nuinen ordezkoa nor izango den —Nuinek kargua utziko du egun horretan—. De Simon Ezkerrako koalizioko parlamentaria da 2011tik, eta 2015ean berriro lortu zuen eserlekua Nafarroako Parlamentuan.