Eusko Legebiltzarreko lau legebiltzarkideri Mendebaldeko Saharan sartzea debekatu die Marokok,Josu Estarrona EH Bilduko legebiltzarkideak Twitter bidez kontatu duenez. Astebeteko lan bisitara zihoazen Estarrona, Carmelo Barrio (PP), Iñigo Martinez (Elkarekin Podemos), Eva Juez (EAJ) eta Josu Estarrona (EH Bildu), baina El Aaiungo aireportuan hegazkinak lurra hartu orduko, Marokoko Gobernuko kide batek esan die ezin dutela hegazkinetik jaitsi.
Legebiltzarreko Bakea eta Askatasuna lantaldeko kideen asmoa zen Saharako ordezkariekin eta giza eskubideen aldeko elkarteko kideekin hitz egitea, baina Marokok ez die utzi.
