Memoriaren Institutua: aukerak eta arriskuak

Iñigo Urkulluk inbestidura saioan adierazi zuen Memoriaren Institutuaren proiektua berreskuratu nahi duela legegintzaldi honetan. Proiektuari diseinatuta zegoen bezala eustea erabakiko balu, Giza Eskubideen Zuzendaritzaren funtzioak eta, beraz, Balorazio Batzordea xurgatuko luke Institutuak. Horren sorrera lege bidez arautu nahi izango balu, denbora asko beharko luke; gaiak duen garrantzia dela-eta, eta behar diren adostasunak kontuan hartuta, bi urte inguru. Bitartean, nor jarriko duten zuzendaritzen buru, zein lehentasun emango dioten gaiari… erabaki zaila dauka esku artean Eusko Jaurlaritzak.