Mendizabali bizileku duen monasteriotik irteteko baimena eman dio Munillak

DONOSTIA. Juan Kruz Mendizabal abadeak sexu abusuak egin zituela jakin zen urte hasieran, eta Elizak horrexegatik zigortua zuela; albisteari lotuta, kasu gehiago agertu ziren; denera, lau. Donostiako apezpiku Jose Ignacio Munillak esan zuen monasterio batean bizitzera behartu zutela, kontrolpean. Atzo irteten utzi diotela jakin zen, Gasteizen egin diren gogo-jardun batzuetan parte hartzeko, hain zuzen ere. Adierazi dute han Gasteizko gotzainaren tutoretzapean dagoela.