Migratzaileentzat aterpe bat egokitu dute Tolosan

IRUN. Eusko Jaurlaritzak espero du Irundik igarotzen diren migratzaileen kopurua handitu egingo dela. Herenegun gauean, kasurako, 77 migratzailek egin zuten lo Irungo eta Hondarribiko aterpeetan; horien artean adingabe bat zegoen. Xabier Legarreta Jaurlaritzako Migrazio eta Asilo zuzendariak nabarmendu zuen ez dutela inor kalean utziko eta salbuespenezko egoerei aurre egiteko baliabideak prest dituztela: batetik, Hondarribiko frontoia aterpe gisa egokitu dezakete; bestetik, Bilbon halako egoerei aurre egiteko egoitza bat dute; gainera, beste hiru aterpe dituzte, Tolosan, Oñatin eta Berrizen. Legarretaren arabera, zaila da aurreikustea zenbat migratzaile etor daitezkeen; baina, kopurua handitu daitekeenez, erabaki dute Tolosan egun direnak Oñatira eramatea eta Tolosako egoitzako 30 oheak libre uztea, etor daitezkeen migratzaileei arreta emateko.