Mikel Ruiz lagun batekin zebilen atzo eguerdian Beriain mendiko hegoaldean (Unanu, Nafarroa), eta arrakala batean amildu zen.
Lagunak deitu zien larrialdi zerbitzuei, eta suhiltzaileen Erreskate Teknikoen Taldea helikopteroarekin joan zen mendira. Garabi batekin jaso zuten mendizalea helikopteroraino, eta, gero, Arbizuko kanpinera eraman zuten, Etxarri Aranazko sendagile taldeek artatzeko. Ruiz hilda zegoela ziurtatu zuten han. Nafarroako Auzi Medikuntza Institutura eraman zuten gero, autopsia egitera.
Ertzaintzak atxilotu egin zuen Ruiz, 2006ko azaroaren 29an. PSEren egoitza baten aurrean gertaturiko istilu batzuetan parte hartu izana egotzi zioten. Bermepean askatu zuten hurrengo urteko martxoan.
