«PSE-EEren aldeko botoek eskuineko politikak indartuko dituzte, EAJrenak edo PPrenak, Lopezi eskaintza onena nork egiten dion», ziurtatu du Ezker Batuaren lehendakarigai Raquel Modubarrek. Gainera, Modubarrek aldarrikatu du EB dela «Julio Anguitaren ezker historikoaren eta Gaspar Llamazaresen ezker irekiaren oinordeko», Jose Navas eta Alba Gutierrez Arabako eta Gipuzkoako hautagaiekin Bilbon egindakoagerraldian.
«Haiek dira gure ereduak, sozialismoaren boto gorria, feminismoaren morea eta ingurumenarekiko kontzientziaren berdea ordezkatzen dituztelako», erantsi du. Kanpainari dagokionez, Modubarrek adierazi du EBren hautagaiak «diren bezalakoak» agertu direla: «Ezkerrarekin konprometituak, ez independentistak, errepublikanoak eta federalistak».
Modubarrek ohartarazi du proiektu ekonomiko bera dutela EAJk, PSE-EEk eta PPk, eta EH Bilduri, berriz, «dena independentziaren menpe jartzea» egotzi dio. EBk, aldiz, pertsonak eta haien beharrak jartzen ditu jarduera politikoaren jomugan, eta etxebizitza, enplegua, osasungintza eta hezkuntza ditu lehentasun, Modubarren esanetan.
Eusko Legebiltzarrerako hauteskundeak. Alderdien kanpaina
Modubarrek dio botoa PSE-EEri ematea EAJri eta PPri ematea dela
EBk aldarrikatu du bera dela «Anguitaren ezker historikoaren eta Llamazaresen ezker irekiaren oinordeko»
Iruzkinak
Ez dago iruzkinik
Ordenatu
