Datorren astearen hasieran Euskal Herriratuko dituzte Mont Blancen hil ziren bi mendizale gipuzkoarren gorpuak. Espero dute astelehenean edo asteartean iristea. Beharrezko tramiteak egin, eta gorpuak lehenbailehen ekarri nahi dituzte gertuko senideek. 26 urte zituen batek eta 27 urte besteak; Oiartzungoa zen bat, eta Lezon bizi zen usurbildar bat bestea.
Haiekin zen beste mendizalea arin zauritu zen; hura ere Oiartzungoa da. Ospitalean eman ditu azken egunak, baina sendagiria jaso du jada, eta Euskal Herrira itzuli da.
Ezbeharra joan den asteazkenean izan zuten, Mont Blanc du Tacul mendian, Frantziako Alpeetan. Tontorretik jaisten ari ziren mendizaleak istripua izan zutenean; Gervasutti bidean rappel egiten ari ziren, eta ehun metro ingurutik erori ziren.
