Ertzaintzak jakinarazi duenez, ezbeharra gaur eguerdian gertatu da, Kuartangoko (Araba) bigarren mailako errepide batean. Motozalea errepidetik atera da, eta malda txiki batetik behera erori. Kolpearen ondorioz, tokian bertan hil da.
Istripua 12:40an gertatu da, A-3314 errepidean; zehazki, Kuartango parean, Izarrarako bidean. Ertzaintzak azaldu duenez, oraindik ez dakite motozalea zergatik atera den bidetik. Larrialdi zerbitzuak istripua jazo den lekura joan dira, biktimari laguntzera, baina gidaria hilda zegoela egiaztatu besterik ezin izan dute egin.
