Nafarroako Gobernuko Hezkuntza Departamentuak egonkortasuna sustatu asmo du. Horretarako, 722 postuko lan eskaintza publikoa egingo du 2027an; hain zuzen, 648 lanpostu eskainiko dituzte DBH Derrigorrezko Bigarren Hezkuntzan; Lanbide Heziketan, 53; eta hizkuntza eskola ofizialetan, 21. Postu horietako 608 gaztelerazkoak izango dira, eta gainerako 114ak, euskarazkoak.
Horretaz gainera, unibertsitateaz kanpoko irakasleen lan eskaintza publikoa ere onetsi du, 355 lanpostukoa, langileen 2026ko ordezte tasari dagokiona: 234 postu DBHra arteko irakasleentzat izango dira; 88, DBHko irakasleentzat; hamahiru, Lanbide Heziketakoentzat; 11, hizkuntza eskola ofizialetakoentzat; eta bederatzi, ikuskarientzat.
