«Norabide estremista eta erradikala» alboratzeko eskatu dio PSNk UPNri

IRUÑEA. ETAk hildako Francisco Casanovari omenaldia egin zioten herenegun Berriozarren, eta, bertan, Maria Txibite Nafarroako Gobernuko lehendakariari kritikak eta irainak egin zizkioten. Atzo, PSNk UPNri eskatu zion bizikidetzaren arloan hartutako «norabide estremista eta erradikala» uzteko eta ez erabiltzeko «tresna politiko» gisa. UPNk, ordea, PSNri egotzi dio «zinismoz» jokatzea, eta biktimak «errespetatzeko» erantzun dio. Geroa Baik irainak arbuiatu ditu, eta ETAren biktimak «erabiltzea» kritikatu du.