Nuinek dio PSNk hanka sartuko duela UPNrekin gobernua osatuz gero

Jose Miguel Nuin Ezkerrako legebiltzarkidearen iritzian, PSNk hanka sartuko du, UPNrekin gobernua osatzen badu: «Hanka sartze larria izango da». Nuinek onartu egin du UPNren alternatiba izango litzatekeen gobernua osatzeko «zailtasun objektiboak» daudela, baina gogora ekarri du aukera bakarra ez dela PSNren eta UPNren arteko akordioa. Hala gertatuko balitz erabakiak ez liratekeela Nafarroako Legebiltzarrean hartuko ohartarazi du.UPNk eta Yolanda Barcinak gai estrategiko guztietan nahi dutena egiteko aukera izango luketela azpimarratu du, eta PSNri ohartarazi dio bera «lotuta» egongo litzatekeela gobernu horri.