Ondarroako Udalak (Bizkaia) salatu duenez, larunbatean udaltzain bat kanporatu egin zuten Andra Mari jaietako txosnagunetik, «udaltzaina izateagatik». Udaltzaina lanetik kanpo zegoela zehaztu du erakundeak.
Udalak, Urtza Alkorta alkateak sinatutako adierazpen instituzional batean, gaitzetsi egin du udaltzaina kanporatu izana, eta babestu egin ditu udal langileak: «Ondarroako Udalak ez du onartzen horrelakorik, eta babesa adierazten die udaltzainei zein udal langile guztiei, bereziki atzo [larunbatean] txosnagunetik kaleratua izan zen udaltzainari».
Gertatutakoa «oso larria» da udalarentzat, eta jakinarazi du «beharrezko neurriak» hartuko dituela. Ez du zehaztu neurri horiek zein diren.
𝐎𝐍𝐃𝐀𝐑𝐑𝐎𝐀𝐊𝐎 𝐔𝐃𝐀𝐋𝐀𝐑𝐄𝐍 𝐀𝐃𝐈𝐄𝐑𝐀𝐙𝐏𝐄𝐍 𝐈𝐍𝐒𝐓𝐈𝐓𝐔𝐙𝐈𝐎𝐍𝐀𝐋𝐀
— Ondarroako Udala (@UdalBarriak) August 17, 2025
Ondarroako Udalaren adierazpen instituzionala, atzo arratsaldean (abuztuak 16) Andra Mari jaietako txosnagunetik zerbitzuz kanpo zegoen udaltzain bat kanporatzeagatik.#Ondarroa #Ondarru pic.twitter.com/20U6OnZih7
