ORDORIKA, BERRIALAGUN BIHURTUTA

BERRIA Taldeari ziztada eman zioten atzo Ruper Ordorikak eta bere emanaldiaz gozatzera Altsasura (Nafarroa) hurbildutako ehunka lagunek. Iortia Kulturgunea erabat bete zen, BERRIAlaguna komunitatea indartzeko eta laguntzeko kantariak eskainitako kontzertuan. Hurrengo urteak ziurtatu nahian dabil euskarazko hedabide taldea: Zure ziztada behar dugu kanpainak ia 4.000 lagun lortu ditu honezkero, eta haien ekarpenei esker proiektua aurrera doa.