Osakidetzak indarkeria matxista jasan zuten ia sei emakume artatu zituen batez beste egunero iaz. Denera, 2.121 izan ziren, 2023an baino %3,2 gehiago.
Eusko Jaurlaritzako Osasun Sailak gaur jakinarazi duenez, iaz artatutako 374 emakume sexu erasoen biktima izan ziren, duela bi urte baino 106 gehiago. Gainera, sexu erasoengatik artatutako hamarretik lau adingabeak ziren.
Horrez gain, Osakidetzak adierazi du aurtengo urtarriletik irailera arte 299 biktima artatu dituztela sexu erasoak jasateagatik.
