Pintaketak egin dituzte EAJren eta PSE-EEren zenbait egoitzatan

BILBO. EAJk Bizkaiko Uribe Kosta eskualdean dituen hiru batzokitan pintaketak egin dituzte: Berangokoan, Getxo Zaharrekoan eta Algortakoan (Getxo). Eskualde horretan PSE-EEk Sopelan duen egoitzan ere molde bereko pintaketak egin dituzte. Joan den astelehen gauean gauza bera gertatu zen PSE-EEk Portugaleten (Bizkaia) duen egoitzan. Besteak beste, Patxi Ruiz presoaren egoera salatzen dute pintaketa horiek. Lau egun daramatza gose eta egarri greban, medikuaren bisitarik gabe. Hainbat presok erakutsi diote elkartasuna, eta gutxienez zortzi herritar gose greban hasi dira Ezkerraldean eta Ondarroan (Bizkaia).