Telefonoen arratsaldea izan da gaur Nafarroako Parlamentuan. Azken unera arte izan dira bilerak, bulegoetarako joan-etorriak, eta telefonoak, politikari eta kazetarienak, sutan egon dira zenbaitetan. "Dena ondo. Bagoaz", esan dio kontseilarien izenak eman baino minutu batzuk lehenago Uxue Barkosek BERRIAko kazetariari. Azkenean iritsi da albistea. Barkosek azken bi hilabetetako lana azpimarratu du, eta talde on bat osatu dutela esan du. "Guztiak gara berriak zeregin honetan, baina ez bakoitzari ardura hartzeko eskatu zaion zereginean", adierazi du. Hartu duten konpromisoagatik eskerrak eman dizkie. Aldaketaren alderdiei ere eskerrak eman dizkie aldaketarako gobernu talde bat eraikitzeko egindako lanagatik.
Barkos hitz egitear pic.twitter.com/n03sN6BjKJ
— Joxerra Senar (@joxerrasenar) July 16, 2015Gustura agertu dira aldaketaren beste alderdiak ere bileretan izan duten adostasunarekin. Adolfo Araiz EH Bilduko parlamentariak esan du, lehenago ere esan zuen bezala, ez dela hau eurek nahi zuten gobernu eredua, baina pozik agertu da hedabideen aurrean izan den kontsentsuarekin. EH Bilduk Mari Jose Beaumont Presidentetzako kontseilaria eta Landa Garapenerako kontseilari Isabel Elizalde proposatu ditu.
Araiz "pozik" nahiz eta ez den eurek nahiago zuten gobernu eredua pic.twitter.com/8zuC0y4e17
— Joxerra Senar (@joxerrasenar) July 16, 2015Laura Perez Ahal Dugu-ko parlamentariak esan du ez duela gustuko Manu Aierdi ekonomia presidentordea izatea; profil batzuk "politikoegiak" direla eta besteak, "teknikoegiak". Baina gaineratu du Ahal Dugu ez dela eserlekuen banaketan sartu: "Konfiantza eman nahi diegu, eta baldintza akordio programatikoa da".
@laperua k ez du sartu nahi izan. Gobernuarekiko independentzia gordetzea nahiago dute eta itun programatikoa ardatz pic.twitter.com/SiaAdKw3Dd
— Joxerra Senar (@joxerrasenar) July 16, 2015Ezkerrak Miguel Laparra presidenteorde sozialaren izena proposatu du. Gobernuari babesa emango dio, eta adierazi du zorrotzak izango direla akordio programatikoa bete dadin. "Aldaketa nafarroan aurrera doa". Erronka ezkerreko politika dela deritzo Nuinek.
@josemiguelnuin : "aldaketa nafarroan aurrera doa". Ezkerreko politika dela erronka deritzo pic.twitter.com/x5eO3TKWse
— Joxerra Senar (@joxerrasenar) July 16, 2015
