PSE-EEk «babes sendoa» eskatu du Europako Parlamenturako bozetarako

BILBO. Eider Gardeazabal PSE-EEren Europako Parlamenturako hautagaiak «babes sendoa» eskatu du maiatzaren 26ko bozetarako. Haren arabera, sozialistek eskuinaren politikak «baldintzatu» dituzte legealdi honetan, «baina hori ez da aski Europako Batasunaren benetako eta sakoneko aldaketa» lortzeko. PSOEren zerrendako zortzigarren doa Gardeazabal; europarlamentaria izan da azken agintaldian.