PSE-EEren bozetan Mendiarekin lehiatu nahi zuen hautagaiak atzera egin du

BILBO. PSE-EEren primarioetan bere burua aurkeztu behar zuen IS Ezker Sozialista ildoko hautagaiak, Santi Reyesek, atzera egin du, eta, beraz, ez da Idoia Mendiarekin lehian arituko PSE-EEren lehendakarigaia izateko. ISkoak kritikoak dira PSE-EEren ildo ofizialarekin, eta uste dute ez dela egokia EAJrekin itun globalak egitea, baina, «banaketa» saihesteko, nahiago izan dute hautagaitzarik ez aurkeztu.