Samaniegon (Araba), EH Bilduk lortu du alkatetza, ustekabean. Izan ere, EAJren hautagaia alkate izendatzea espero zen, PSEren babesarekin. Alderdi sozialistak, ordea, ez du EAJren eta PSEren arteko ituna bete, eta ez du hautagai jeltzalea babestu, EH Bildukoa baizik. Horrenbestez, EH Bilduk lehenengoz lortu du alkatetza bat Arabar Errioxan. Pili Garmendia izango da Samaniegoko alkate.
Oraingoz, itunaren ez betetze horrek ez du ondoriorik izan beste inongo udalerritan.
EAJ izan da alderdirik bozkatuena Samaniegon. Hiru zinegotzi ditu; EH Bilduk adina. PSEren zinegotzi bakarrak hautsi du berdinketa, eta koalizioaren alde egin du.
